Бизарно но вистинито
20. August 2016 - 15:42

Уринираат по себе, бидејќи немаат право на пауза: Работниците не смеат ни да јадат, ни да пијат вода во работното време

"Секогаш се насмевнувам кога ќе го слушнам слоганот "Ние водиме сметка за вашето пилешко", меѓутоа, ни тие не водат сметка за нас", рекол поранешниот работник Албиус Латор.
Потрошувачката на пилешко во Америка се зголемила за 30 проценти во претходните 20 години, и во склад со тоа неопходно e и поголемо производство. Конкуренцијата на пазарот е голема, па компаниите сакаат да ја намалат цената на пилешкото за да им парираат на останатите произведувачи. Тоа ќе успее доколку успеат да пронајдат евтина работна сила. Во превод, сите компании вработуваат работници кои уринираат по себе, не јадат, не пијат - немаат паузи!
 
"Луѓето уринираат по себе затоа што не им е дозволено да користат тоалет", рекол Педро, поранешен вработен во компанијата "Tyson", пренесува Telegraf.rs.
 
На основа на американскиот извештај на "Oxfam", работниците во фабриките имаат една пауза од половина час, која не е доволна за сите потреби. Константно се под притисок да работат побрзо и поинтензивно, а често се случуваат и да уринираат по себе бидејќи не стигнуваат да одат до тоалет. Или не смеат...
 
Работата е малку платена, и секој работник добива помалку од 10 долари на час.
 
"Секогаш се насмевнувам кога ќе го слушнам слоганот "Ние водиме сметка за вашето пилешко", меѓутоа, ни тие не водат сметка за нас", рекол поранешниот работник Албиус Латор.
 
Дали човечкото достоинство вреди како едно парче пилешко?