Управа за заштита на културното наследство: Не се рушат градби кои се културно наследство
Управата за заштита на културното наследство во писмена реакција ги оквалификува како невистини денешните обвинувања на Роберт Алаѓозовски од СДСМ.
- Во однос на рушење на дел од културното наследство господинот Алаѓозовски или е целосно неинформиран или изнесува невистини затоа што при досегашните и идните активности предвидени на и околу античкиот театар, ниту е, ниту смее да се рушат никакви градби или елементи кои претставуваат културно наследство што навистина е забрането со закон, се вели во реакцијата.
Од Управата за заштита на културното наследство посочуваат дека конзервацијата на сценската зграда е завршена во 2016 година, а во моментот, како што се наведува во реакцијата, на оваа сценска зграда е невозможно да се направи целосна реконструкција бидејќи на дел од неа се наоѓаат современи христијански гробишта.
- Во врска со неговата изјава дека не се знае како точно изгледал античкиот театар во Скупи повторно треба на господинот Алаѓозовски да му нагласиме дека: На античкиот театар во Скупи во периодот од јуни 2013 година до мај 2016 година се извршени археолошки истражувања во кои целосно се истражи Театронот, Оркестрата, а Скената не се доистражи целосно со оглед на тоа што во нејзиниот северозападен дел се наоѓаат современите христијански гробишта, се вели во реакцијата и се додава дека истражувачкиот тим бил составен од стручни и научни лица од повеќе научни институции во државата.
За време на археолошките истражувања, се посочува во реакцијата, најдени се оригинални седишта Ин Ситу, коридори, влезови, степеници, оплати и слично со што се добиле доволно информации за изгледот на театарот.
Ново на Сител
-
Обработени 93,30% од гласовите - ВМРО-ДПМНЕ 59, СДСМ 18, Левица 6, ЗНАМ 5 мандати
-
Мицкоски: Поразен е бојкотот на ДУИ, време е да одат со СДСМ во опозиција
-
ДИК: Обработени 90,40% од гласовите - ВМРО-ДПМНЕ 390.345, СДСМ 136.748
-
Ковачевски: На СДСМ му е зададен тежок удар
-
ДИК: Силјановска Давкова со повеќе од двојна предност пред Пендаровски
-
Димитриевски: Повеќе нема да живееме во црно-сив свет, честитам на Силјановска Давкова и ВМРО-ДПМНЕ
-
Силјановска Давкова: Наградата е непроценлива за мене
-
Обработени 82,38% од гласовите - ВМРО-ДПМНЕ 59 мандати, СДСМ 18, Левица 6, ЗНАМ 5 мандати