Уницеф: Во Мосул загрозени околу 100.000 деца

Преставникот на Уницеф во Ирак, Питер Хикинс предупреди дека агенцијата на ОН добила „загрижувачки извештаи“ за убивање цивили, меѓу кои има и деца по жестоките судири околу Мосул меѓу владините сили и екстремисти од ИД.

Тој тврди дека дел од цивилите страдале во размена на оган додека се обиделе да побегнат од западниот дел на Мосул каде се водат борби.

Хокинс не прецизираше за бројот на убиени деца и изнесе проценки дека околу 100.000 деца се уште се во дел од градот под контрола на ИД и оти се во исклучително опасна ситуација.

Тој ги повика завојуваните страни да ги заштитат децата и цело време да се грижат тие да бидат подалеку од воена зона во согласност со обврски од хуманитарното право.

Би-Би-Си јави дека меѓу жртвите во мосулскиот кварт Занџили има мажи, жени и деца и оти хуманитарец нагласил дека ИД пука во луѓе кои се обидуваат да побегнат од таа област. Операцијата за заземање на Мосул од ИД, ирачката војска ја почна во октомври со поддршка од САД.