Унгарија прва во ЕУ почнува со вакцинација на тинејџери против Ковид-19
Унгарскиот премиер Виктор Орбан објави кон крајот на минатиот месец дека тинејџери на возраст меѓу 16 и 18 години ќе можат да ја примат вакцината на Фајзер/БиоНТек. Повеќе од 90.000 млади луѓе веќе се регистрирале за вакцинација, со неопходна дозвола од родителите, пишува Евроњуз.
Едно 17-годишно момче изјави дека одлучило да се вакцинира за да го заштити своето семејство, верувајќи дека тоа може да претставува пат до „нормалниот“ живот.
Според вирусологот Миклош Русвеј, вирусот не е рамнодушен кон младите. Симптомите на коронавирусот често се појавуваат неколку месеци по инфекцијата, па затоа Русвеј вели дека е важно помладите луѓе да се вакцинираат.
– Деца од шест до 11 годишна возраст веќе се вакцинираат во пилот-групи. Верувам дека до есен, кога ќе почне следната учебна година, сите деца на училишна возраст ќе можат да посетуваат настава вакцинирани, истакна унгарскиот вирусолог.
Во Унгарија во употреба се шест вакцини. Освен на Фајзер/БиоНТек, која единствено е одобрена за тинејџерите, достапни се и вакцините на Модерна, Астра Зенека и Џонсон и Џонсон, како и кинеската Синофарм и руската Спутник В.
Досега речиси 4,5 милиони луѓе, од вкупно 9,7 милиони жители на Унгарија, примиле прва доза од вакцините. Според владините планови, до средината на јуни сите Унгарци кои сакаат да примат вакцина, развиена од Западот, можат да се имунизираат.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи