Умерено облачно време

Времето во Македонија ќе биде умерено облачно. По одделни котлини ќе има појава на утринска магла. Ќе дува слаб до умерен северен ветер. Во текот на ноќта ќе има локални слаби врнежи од снег.

Утринската температура ќе се движи од минус седум до нула, а дневната од нула до 10 степени.

Во Скопје слично време, умерено облачно со појава на утринска магла. Ќе дува слаб до умерен северен ветер. Утринската температура ќе се спушти до минус три, а дневната ќе достигне до шест степени.

За време на новогодишната ноќ ќе биде претежно облачно со слаби локални врнежи од снег и ќе дува умерен северен ветер. Во вторник ветерот ќе засилува и ќе биде стабилно и суво, а ново наоблачување со локални врнежи од снег се очекува во среда кон крајот на денот.