Умерен земјотрес предизвика паника во Иран
Земјотрес со интензитет од 5,2 степени според Рихтеровата скала синоќа погоди град во близина на Техеран, но засега нема податоци за жртви и предизвикани сериозни материјални штети.
Властите соопштија дека се уште се собираат информации за состојбата по потресот и ги повикаа жителите да останат смирени, но и да бидат подготвени за можни нови потреси.
Во некои делови на 8,5-милионскиот Техеран жителите масовно излегле на улиците и по парковите, плашејќи се од силни потреси.
Земјотресот бил на длабочина од седум километри под површината на земјата, со епицентар во Мешкин Дашт во провинцијата Алборз, на околу 50 километри западно од Техеран.
Според иранската државна телевизија, потресот бил почувствуван на многу места во северниот дел на Иран.
Силен земјотрес со јачина од 7,3 степени минатиот месец уништи цели села и мали градови во западната провинција Керманшах, долж планинската граница со Ирак. Во потресот загинаа 600 луѓе, а илјадници беа повредени.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево