Улиците во Ресен се чисти од снегот, пробиени и патиштата до селата

Зимската служба во Општина Ресен е на терен и постојано го чисти снегот од улиците и тротоарите во градот, а чисти се патиштата и до селата.

Од Општина Ресен за МИА информираа дека дежурни екипи се на терен и од вчера работат на расчистување на снежните навеви.

-На територијата на Ресен има околу 10 сантиметри снег. Дежурни екипи на зимската служба се на терен и постојано фрлаат сол и ризла. Улиците и тротоарите во градот се исчистени, а пробиени се и патиштата до сите села, соопшти општинската прес-служба.