Украинскиот министер за здравство соопшти дека во нападите загинале 57 лица

– Најмалку 57 лица загинаа во тешки борби откако руските трупи ја нападнаа Украина, соопшти официјален Киев.

Во нападите се повредени 169 луѓе, изјави вечерва министерот за здравство Виктор Љашко за новинската агенција УНИАН.

Тој го повика населението да дарува крв и додаде дека пациентите кои не се акутни случаи треба да се третираат како амбулантски пациенти што ќе спречи преоптоварување на болниците.