Украински командант: Ситуацијата околу Бахмут е комплицирана, но Украина успева да ги одбие руските напади

Ситуацијата околу Бахмут останува сложена, но украинските сили ги спречуваат руските обиди да го заземат градот, изјави денеска командантот на украинските копнени сили, генерал-полковник Олександр Сирски.

„Сите обиди да се заземе градот се одбиени со артилериски оган, тенкови и друга огнена моќ“, додаде тој.

Борците на приватната руска воена компанија „Вагнер“ „напаѓаат од различни страни, се обидуваат да ја пробијат нашата одбрана и да напредуваат кон централните области на градот“, додаде Сирски.