УХМР најавува страшно невреме, пороен дожд и грмежи

Времето денес во Македонија претпладне сончево со мала до умерена облачност. Попладне нестабилно, со локален пороен дожд, грмежи и краткотрајно засилен ветер, претежно во западните и крајните источни планински региони. Ќе дува слаб до умерен северен ветер. УВ=7

Максималната температура ќе биде во интервал од 24 до 32 степени.

Утре на повеќе места ќе дува засилен ветер од северен правец, особено вдолж Повардарието и источните делови. Попладне ќе има нестабилност со локален пороен дожд и грмежи, особено во западните и југоисточните делови.

Во вторник се очекуваат повремени врнежи од дожд кои локално ќе бидат поројни со грмежи, особено попладнето.

Во среда како и во следните два дена ќе биде сончево со мала до умерена облачност, попладне со услови за појава на краткотраен дожд. Дневните температури ќе бидат во пораст, освен во вторник кога ќе опаднат за неколку степени.