Фудбал
31. October 2017 - 10:05

УЕФА со казна за Скендербег

Екипата на Скендербег од Албанија доби казна од УЕФА и следниот натпревар од еврокуповите ќе го игра пред празни трибини во Елбасан. УЕФА казната ја одреди поради однесувањето на навивачите на дуелот со белградски Партизан во натпревар од Лига Европа.
Покрај оваа казна Скендербег ќе мора да плати и 60.000 евра. Навивачите на албанскиот клуб за време на натпреварот имаа незаконски скандирања, употреба на пиротехника и расистичко однесување.
Екипите на Партизан и Скендербег повторно ќе играат натпревар од Лига Европа во четврток во Белград, а Партизан презема високи мерки со цел да нема инциденти на овој натпревар.