Убиство во Италија - фудбалски судија и неговата девојка 60 пати избодени со нож
Италијанската спортска јавност беше шокирана по бруталното убиство на фудбалскиот судија Даниеле де Сантис и неговата девојка. Де Сантис заедно со девојката беа убиени во нивниот стан во Лече, избодени до смрт од непознат сторител по кој полицијата се уште трага.
Излегоа нови детали околу убиството на двојката, пренесуваат италијанските медиуми. Иако Де Сантис немал непријатели, дополнителната истрага покажала дека сторителот бил посебно суров во извршувањето на злосторството. Се претпоставува дека е можно да имало повеќе извршители кои употребиле месарски нож.
„Аутопсијата покажала дека се направени околу 60 убоди со нож. Раните одговараат на месарски нож. Анализата на телефоните и компјутерите на убиената двојка, но и снимките од надзорните камери треба да и помогнат на полицијата во пронаоѓањето на злосторникот“, пишува италијанска „Ла република“.
Де Сантис, судија и со меѓународен знак, главно ги делеше натпреварите од Серија Б и од Серија Ц во италијанскиот фудбал.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората