Уапсен Џастин Тимберлејк

Музичарот и актер Џастин Тимберлејк (43) е уапсен од полицијата во вторникот поради возење под дејство на алкохол, јавуваат странските медиуми. Тој беше обвинет дека возел пијан во Хемптонс, Њујорк, а полицијата го приведе откако не застанал на знак за стоп.
Извор изјави за Page Six дека Тимберлејк не бил препознаен од полицаецот што го уапсил.
– Тој е многу млад, не знаеше кој е Тимберлејк. Не го знаел ниту името, ниту тоа лице – рекол изворот. Друг извор тврди дека Џастин во моментот кога бил уапсен почнал да зборува за неуспехот на целата негова турнеја, пренесува Daily Mail.
– Си рече: „Ова ќе ја уништи турнејата“. Полицаецот го прашал каков вид на турнеја, а Џастин рекол: „Па, светската турнеја! – изјави изворот.
Според судските документи до кои дојде АП, полицаецот веднаш се посомневал дека познатиот музичар бил под дејство на алкохол.
– Очите му беа крвави и стаклени, од устата се чувствуваше силен мирис на алкохол, не можеше да се концентрира, зборуваше полека, губеше рамнотежа – се наведува во документот. Во нив пишува и дека Тимберлејк се бранел и тврдел дека испил само едно мартини и дека следел некои пријатели дома.
Тој следно ќе се појави на суд на крајот на јули.
Ново на Сител
-

Србинот Дејан Мијатовиќ нов тренер на МЗТ Скопје
-

Мицкоски од Берлин: Македонија активно учествува во разговорите за глобалната безбедност и предизвиците во светот
-

Сиљановска-Давкова ги прими акредитивите од новоименуваниот амбасадор на Кралството Саудиска Арабија Ибрахим Ал-Мади
-

Директорот на Мајкрософт: Вештачката интелегенција би можела да предизвика бројни проблеми
-

Ристески: Клучен приоритет на Владата е да ги задржи младите во државата
-

Николоски - Варнс: Потврдена посветеноста на стратешкото партнерство со САД и унапредувањето на билатералната соработка
-

Полицијата во Белгија со помош на „ГТА 6“ ги предупредува младите: Играта не е вистински живот
-

Мицкоски: Ја потврдивме поддршката за постигнување праведен и траен мир преку дијалог, дипломатија и координација
