У_21: Македонија гостува на Северна Ирска

Фудбалската репрезентација на Македонија до 21 година во рамките на квалификациите за ЕУРО 2017 вечерва го игра третиот натпревар од групата. „Црвено-жолтите“ гостуваат кај Северна Ирска, а натпреварот се игра на „Мурневју Парк“ во Лурган.

 

Македонската репрезентација по двата одиграни натпревара има по една победа (Украина дома) и еден пораз (Исланд на гости).

 

Против селекцијата на Северна Ирска репрезентацијата до 21 година играше и во квалификациите во 2012 година кога Македонија постигна две победи, водено тоа беше и последниот триумф на гостински терен.

 

Селекторот Благоја Милевски најави уште пред заминувањето дека ги има стартните 11. Се очекува вечерашниот дуел да го почнат: Алексовски, Мурати, Муслиу, Зајков, Демири, Барди, Николов, Аврамовски, Бабунски, Маркоски, Радески.

 

Натпреварот Северна Ирска – Македонија почнува во 18 часот, а од групата 3 денеска играат и Шкотска – Исланд.

 

Табела: Исланд 10 бодови (4 натпревари), Франција 3 (2), Македонија 3 (2), Шкотска 3 (2), С.Ирска 1 (2), Украина 0.