Турските муфтии добија право да склучуваат граѓански бракови

Турскиот Парламент усвои закон со кој ќе им се дозволи на религиозните претставници назначени од државата да извршуваат церемонии за склучување граѓански брак.

Опозициските партии го гледаат овој чекор како удар врз секуларизмот и правата на жените од страна на власта на турскиот претседател Реџеп Тајип Ердоган.

Законот ќе им овозможи на муфтиите, кои се вработени и назначени од државната Дирекција за религиозни прашања, да извршуваат церемонии за склучување граѓански бракови, кои претходно ги извршуваа само општински службеници.