Турскиот Суперкуп откажан во Саудиска Арабија поради дресови со ликот на Ататурк
Причина за откажувањето на синоќешниот финален натпревар во турскиот фудбалски Суперкуп меѓу Фенербахче и Галатасарај, што требаше да се одигра во Саудиска Арабија, е спор меѓу двата клуба и организаторите околу дресовите на играчите, јавија денеска турските медиуми.
Телевизијата Хабер Турк објави дека играчите на двете екипи сакале да носат маички со ликот на Кемал Ататурк на загревањето пред натпреварот, но саудиските организатори тоа не им го дозволиле.
Турските играчи инсистирале да носат маички со ликот на Ататурк, бидејќи ова издание на Суперкупот е во годината во која се одбележува еден век од прогласувањето на турската република.
Галатасарај и Фенербахче минатиот месец во заедничко соопштение бараа Суперкупот место во Ријад да се игра во Самсун, град на брегот на Црното море, од каде „таткото“ на модерна Турција, Мустафа Кемал Ататурк, ја поведе војната за независност, која резултираше со прогласување на Републиката на 19 октомври 1923 година.
Ново на Сител
-
Поплавени домови во Волково
-
Без струја повеќе места во Скопје, Битола, Тетово, Гостивар и Радовиш
-
ЦУК: Поплавени куќи, подруми, гаражи, улици, паднати дрва, прекини на струја и интернет
-
Возете внимателно во дебарскиот регион, има одрони
-
Мицкоски: Утре на Влада ќе се разгледува информацијата за повисоки пензии
-
ЦУК: Интензивен пороен дожд и грмежи во Тетово и Скопје
-
Спасен повреден странски турист во Охрид кој паднал во тешко пристапен терен
-
Главчев: Ќе ги потсетам европските лидери кои се условите за прием на Северна Македонија во ЕУ