Турскиот Парламент го одобри законот за поголеми овластувања на цивилната стража
Турскиот Парламент денеска го одобри спорниот предлог-закон на Владата, со кој на членовите на цивилната гарда им се даваат речиси исти овластувања како и на полициските сили во земјата.
Предлог-законот е усвоен со поддршка на владејачката партија на претседателот Реџеп Тајип Ердоган и неговиот сојузник, и покрај загриженоста на опозициските партии „дека со тој закон се даваат овластувања на недоволно квалификувани сили и дека ќе доведе до кршење на човековите права и дополнителна ерозија на слободите”.
Законот е одобрен по неколкудневна интензивна дебата, која кулминираше со насилство во вторникот, кога еден опозициски пратеник рече дека бил удрен од страна на пратеник на националистичката партија.
Чуварите, познати како „бекчи“, традиционално ги чуваат местата и парковите, носејќи само пендреци и свирки.
Силите беа укинати и приклучени кон полицијата во 2008 година, но беа повторно воспоставени од Владата на Ердоган по неуспешниот обид за пуч во 2016 година.
Законот им овозможува на повеќе од 21.000 припадници на цивилната стража, меѓу кои и жени, да користат огнено оружје, да стопираат возила, да проверуваат лични карти и да пребаруваат луѓе. Сепак, тие не можат да апсат или да ги сослушуваат осомничените.
Најголемата опозициска Републиканска народна партија и двете други опозициски партии гласаа против законот, тврдејќи дека тоа е обид на Владата да формира лојални сили на полицијата.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка