Турција затвори граничен премин кон Грција поради протестите на земјоделците

Турција го затвори граничниот премин Пазаркуле-Кастаниес на границата со Грција кај градот Едрене поради протестите на грчките земјоделци.

Не е дозволено преминување на автомобили и пешаци и во двете насоки, јави БТА.

Другиот граничен премин Ипсала помеѓу Турција и Грција, пак, беше затворен за движење на товарни камиони.

Одлуката е донесена поради протестите на грчките земјоделци кои ги окупираа граничните премини на Грција, се истакнува на интернет страницата на турската Дирекција за царина и трговија Тракија.

Сепак патници кои не знаеле за ситуацијата, во утринските часови беа дојдени со своите автомобили на Пазаркуле за да преминат на грчка територија. Тие беа принудени да го променат правецот и да го користат другиот граничен премин Ипсала.

Не се соопштува до кога ќе граничниот премин ќе остане затворен.