Турција од ЕУ бара зголемување на фондот за сириските бегалци
Европската унија би требало да одвои повеќе од шест милијарди евра за фондот за сириските бегалци и да го забрза приливот на пари, изјави денеска заменикот министер за надворешни работи на Турција Фарук Кајмакчи.
Со парите од ЕУ се згрижуваат околу 3,5 милиони сириски бегалци во Турција, а за возврат Турција вети дека ќе запре понатамошна имиграција во Европа.
– Протокот на пари треба да се забрза и износот на готовина треба да се зголеми, рече Кајмакчи пред новинарите.
– Сè додека е присутна кризата, ние мора да работиме заедно. Кога ќе се потрошат, тие шест милијарди евра нема да го решат проблемот, додаде Кајмакчи.
Европската унија, која го основаше фондот во 2015 година, објави дека досега во фондот биле дозначувани над 5,6 милијарди евра, повеќе од 3,5 милијарди евра се договорени, а над 2,4 милијарди евра се исплатени.
Кајмакчи истакна дека сириските бегалци ја чинат Турција вкупно околу 40 милијарди долари.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица