Турција го повлече својот амбасадор од Берлин
Веднаш по гласањето во Бундестагот со кое смртта на 1,2 милиони Ерменци во првата светска војна во Отоманската империја е прогласено за геноцид, официјална Анкара го повлече својот амбасадор во Берлин, јави дописникот на МИА од Берлин.
Турскиот амбасадор во Германија Хусеин Авни Каршиоглу се очекува денеска да ја напушти земјата, објави „Зидојче Цајтунг“.
Турскиот претседател Реџеп Таип Ердоган предходно изјави дека изгласувањето на резолуцијата со која што Турција е одговорна за геноцид ќе има сериозни последици по односите меѓу двете земји. За турскиот премиер Јилдирим одлуката на Бундестагот е дело на „расистичкото ермнско лоби“ а турскиот вицепремиер Нуман Куртумлуш резолуцијата ја нарече „историска грешка“.
Германската канцеларка Меркел, која што не беше присутна на гласањето во Бундестагот, сепак не гледа сериозна опасност по односите меѓу двете земји.
- Постојат многу работи што ги врзуваат Германија и Турција и дури и ако имаме различни мислења за одделни работи силата на нашите врски, нашето пријателство, нашите стратешки врски се големи, изјави Меркел по средбата со генералниот секретар на НАТО Јенс Столтенберг во Берлин.
Ново на Сител
-
Трамп вели дека Путин се согласил Русија да не ја напаѓа Украина една недела
-
Андоновски: Значително зголемен бројот на услуги во Центрите за услуги, најавени и е-Киосци
-
Герасимовски: Паричната помош за новороденче во Центар се зголемува од 7 000 на 10 000 денари
-
Израел врати 15 палестински тела, подготвувајќи ја следната фаза од мировниот план
-
Николоски за изградените два километри од автопатот Скопје-Блаце кои завршуваат во провалија: Очекувам новиот обвинител да отвори истрага
-
Нов закон во Русија: Доброволна самозабрана за игри на среќа како заштита од зависност
-
Македонските превозници се повлекуваат од блокадите на граничните премини
-
Бислимоски: Нема да дозволам да биде извалкано моето име, постапките за одземање лиценци се идентични за сите субјекти во енергетиката
