Турција: Две лица загинаа во експлозија на граната, истрелана од Сирија

Најмалку две лица загинаа, а четворица се повредени откако минофрлачка граната, утрово истрелана од територијата на Сирија, падна во училишен двор во турскиот град Килис, јавија турските медиуми.

Гранатата паднала во дворот на училиштето „Ејуп Гикче“, за време на наставата.

Градоначалникот на Килис Хасан Кара изјави дека најверојатно биле истрелани повеќе од две гранати. Една од гранатите паднала во училишниот двор, а другатата на празен простор. Дел од западните медиуми соопштууваат дека граната предизвикала експлозија во медицинскиот центар близу до училиштето.

Тој апелираше до населението да на паѓа на провокации и да останат мирни.