Труење на кучиња во Делчево

-За жал се почести се ваквите случаи. Љубители сме на домашни миленици и знаеме колку мачно чувство буди глетката која ја затекнавме на патот каде лежеше отруено кучето. Опасноста е голема бидејки контакт со животното, особено од страна на децата може да биде фатален, велат граѓани кои посведочија за настанот.

 

Тие ги информирале надлежните од каде добиле уверување дека кучето ќе биде отстрането од улицата.

 

За отстранување на кучињата скитници во Делчево се грижи ветеринарна служба која по заловувањето ги сместува во стационар. Од таму излегоа со осуда за стореното.

 

-Го осудуваме овој и секој сличен случај на справување со кучињата скитници. Секој оној кој има проблем со куче скитник е должен тоа да го пријави, а не да прави нешто што прво е опасно по околината, а воедно е грозоморен чин за секаква осуда, велат од надлежната ветеринарна служба.

 

Во последниот случај по дојава на граѓани, бесно куче скитник кое ги напаѓала минувачите е отстрането од улиците и згрижено во делчевскиот  стационар.