Тројно зголемен бројот на лицата од Кочани во домашна изолација, две кривични пријави за законско прекршување
Бројот на лицата од Кочани кои се наоѓаат во домашна изолација поради коронавирусот се искачи на 94, што претставува тројно зголемување за период од 48 часа.
Според известувањето од Општинскиот штаб за заштита и спасување, против две лица веќе се поднесени и кривични пријави по членот 206 од Кривичниот законик за непостапување според здравствените прописи за време на епидемија, односно тие не ги почитувале одредбите за самоизолација.
– Најголем број од лицата кои се во домашна изолација претходно престојувале во некоја од државите со среден и висок ризик. Повеќето од нив се придржуваат до законските одредби за домашна изолација, но останува апелот за сите да не го доведуваат во ризик здравјето на останатите граѓани и да останат дома. За секое лице кое влегло во државата се добиваат податоци од граничните премини и ќе се контролира дали ги почитува законските одредби за изолација, истакнаа од Кризниот штаб на Општина Кочани.
Иако четврток е пазарен ден Градскиот пазар во Кочани денеска не работи, а екипи од комуналното претпријатие „Вододовод“ со поддршка од Територијалната противпожарна единица прават дезинфекција на јавните површини и на местата за одлагање на отпадот.
Мобилниот сервис за домашна посета, во соработка со волонтери од Црвениот крст и од општинските служби за социјална и здравствена заштита, на списокот досега има 34 семејства со болни, стари и изнемоштени лица на кои им е обезбедена поддршка во набавката за храна и лекови.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите