Тројца загинати и стотина повредени во вчерашното торнадо во Тексас

Бројот на жртвите од торнадото што вчера го погоди градот Перитон во американската сојузна држава Тексас се искачи на три лица, а бројот на повредени е меѓу 75 и 100, јави телевизијата Ен-Би-Си, повикувајќи се на локалните власти.

Националната метеоролошка служба во Амарило потврди дека торнадото ја погодило оваа област вчера попладне.

Шефот на пожарникарите на Перитон, Пол Дачер, за Еј-Би-Си изјави дека торнадото директно удрило на паркинг полн со возила.

Локални медиуми јавија дека најмалку 100 луѓе побарале помош во болницата.

Торнадото вчера навечер се префрли југоисточно низ државата Оклахома. Можно ново предупредување за торнадо е издадено во областа Оклахома Сити.