Тројца уапсени во врска со истрагата за поткуп против рускиот заменик министер за одбрана
Трето лице е уапсено во истрагата за поткуп против рускиот заменик министер за одбрана Тимур Иванов, соопшти денеска московскиот суд, цитиран од британските медиуми.
Според правосудните органи, приведениот Александар Фомин, кој е соосновач на градежната компанија „Олимписистрој“, е осомничен за давање мито на Иванов, кој беше уапсен во вторникот, како и на Сергеј Бородин, близок соработник на Иванов, кој исто така е во притвор.
Скандалот што избувна е најголем во последните неколку години во руското Министерство за одбрана и е силен удар за угледот на министерот за одбрана Сергеј Шојгу.
Правосудните органи преку соопштение објавија дека Фомин е осомничен за „вршење услуги“ за Иванов, Бородин и други во вид на материјали, труд и услуги поврзани со реновирање на станови.
-Фомин и други лица, исто така, дејствувајќи како организирана криминална група, му понудиле на Иванов да прими поголем поткуп во вид на незаконско давање услуги поврзани со градежни поправки, се вели во соопштението.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата