Три собраниски седници пред пратениците

Собранието на Република Македонија денеска треба да одржи три седници, 111., 114. и 116.

На дневен ред на 111. седница се Предлог-законот за ратификација на Спогодбата меѓу Владата на Република Македонија и Владата на Социјалистичка Република Виетнам за ослободување од визи за носителите на дипломатски или службени/официјални пасоши и Предлог- законот за ратификација на Спогодбата меѓу Владата на Република Македонија и Владата на Италијанската Република за размена и заемна заштита на класифицирани информации.

Пред пратениците во рамки на 114. седница се Предлог-законот за изменување и дополнување на Законот за буџетите, по скратена постапка, како и Предлог-законот за изменување и дополнување на Законот за јавен долг, поднесен од Павле Трајанов, во прво читање, додека на 116. седница има три точки: Годишниот извештај за работењето  на Агенцијата за супервизија на осигурување во 2015 година, Годишниот извештај на Агенцијата за супервизија на осигурување за состојбата и движењата на пазарот на осигурување во Република Македонија во 2015 година, како и Финансиските извештаи на Агенцијата за супервизија на осигурување во 2015 година.