Три мурали од учениците од ООУ „Ѓорче Петров“

По повод 70 години слободно Ѓорче Петров и 150 години од раѓањето на големиот македонски револуционер, учениците од истоименото училиште во општина Ѓорче Петров изработија три мурали на еден од ѕидовите од фискултурната сала. 

Претставени се грбот на училиштето, знамето на Република Македонија и ликот на патронот. Учениците од седмо, осмо и деветто одделение под раководство на наставничката Виолета Ристовска делото го работеа една недела.

- Ова е само мал придонес на нашето училиште по повод двата големи празника за нашата општина, изјави директорот Зоран Бошковски.

Вкупната должина на ова дело изнесува 10 метри, а висината е 2 метри.