Три лица повредени во сообраќајна незгода на патот Гостивар - Тетово
Три лица од кои две малолетнички се здобиле со телесни повреди во сообраќајната несреќа што се случила на автопатот Гостивар - Тетово на околу два километри до клучката за Камењане.
Портпаролот на СВР Тетово, Марјан Јосифовски изјави дека сообраќајката се случила вчера околу 15 часот и 30 минути и оти во неа учествувале патничко возило „ауди“ со тетовски таблички што го управувала 16-годишна малолетничка од Теарце и автобус „сетра“ со гостиварски таблици управуван од А.Д. (43) од Скопје.
- Во несреќата возачот на аудито и двете сопатнички, жителки на Тетово, на возраст од 17 и 18 години се здобиле со телесни повреди по што со медицинско возило биле пренесени и задржани за натамошно лекување во Тетовската клиничка болница, додека третиот сопатник на возраст од 18 години поминал без повреди. Според првичните податоци од увидот извршен на местото на настанот, причина за сообраќајната несреќа е неприлагодена брзина според условите на патот односно пребрзо возење додека вкупната материјална штета се проценува на 200 илјади денари, изјави Јосифовски.
Полицијата работи на утврдување на околностите во кои се случила сообраќајката.
Ново на Сител
-
ОБСЕ/ОДИХР ќе ги соопшти првичните оценки за изборите
-
30 години Тинекс
-
Силјановска Давкова победи во 60 општини, Пендаровски во 3, Османи во 15, Таравари и Димитриевски во по една
-
Силјановска Давкова и Пендаровски во вториот круг претседателски избори
-
Првични резултати на ДИК
-
Норвешка донира 76 возила на македонската Армијата
-
Димитриевски победи во Куманово, Таравари во Гостивар, а Јакимовски загуби во Карпош
-
Пасоши на воено способните Украинци ќе се издаваат само во земјата