Трета регионална работилница за окрупнување на земјоделското земјиште
Во Струмица денеска ќе се одржи третата регионална работилница за подигнување на свеста за консолидација на земјоделско земјиште кај земјоделците и сопствениците на земјоделско земјиште.
Работилницата ја организира Министерството за земјоделство, шумарство и водостопанство (МЗШВ) со поддршка на проектот МАИНЛАНД, финансиран од ЕУ и спроведуван од ФАО. Целта е да се зголеми локалната свест и разбирањето на придобивките од окрупнувањето на земјоделско земјиште.
Присутните претставници на локалните земјоделски организации, села и единици на општините, како и локалните партнери од југоисточниот и вардарскиот регион, ќе се информираат за принципите и постапките за консолидација согласно соодветниот закон во насока на спроведување на Националната стратегија за консолидација на земјиште 2012-2020 година, за претстојната селекција на најпогодните области за консолидација и за тоа како да изразат интерес за новите консолидациски проекти.
Најавени се обраќања на министерот за земјоделство Љупчо Николовски, раководителот за соработка во Делегацијата на ЕУ Никола Бертолини и главниот технички советник од проектот, Вилма Даугалиене.
Во изминатите три недели, сектори и подрачни единици на МЗШВ и советници од Агенцијата за развој и поттикнување на земјоделството (АПРЗ) беа обучени како да ги идентификуваат и селектираат најпогодните области за консолидација на земјоделско земјиште и како да работат со земјоделците и сопствениците на земјоделско земјиште за изразување интерес за локални проекти за консолидација на земјоделско земјиште.
Две регионални работилници веќе се реализираа во Гостивар и Битола. Четвртата регионална работилница е закажана за 14 ноември во Штип. По овие настани, проектниот тим, заедно со претставници на МЗШВ и АПРЗ, ќе спроведе локални информативни состаноци во целните села, за да им помогне на потенцијалните кандидати да аплицираат како корисници на проекти за консолидација на земјиште. Овие активности треба да помогнат во изборот на проектни области со најголем потенцијал и интерес за консолидација што се очекува да се случи до крајот на декември 2017 година.
Ново на Сител
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ
-
Претседателката Сиљановска Давкова ја прими гувернерката на Народната банка, Анита Ангеловска-Бежоска
-
Истражување: Една од три жени немаат пристап до менструални производи поради високата цена
-
Гаши: Ќе се погрижам да го подигнам нивото на Собранието, да биде во служба на сите граѓани