Трет пораз за македонските кошаркари на ЕП во Австрија

Продолжува низата порази на македонската репрезентација за кошаркари до 18 години на ЕП во Австрија дивизија Б. По убедливите порази од Данска и од Исланд, во 3.коло во Д-групата, македонските јуниори загубија и од врсниците на Ирска со 74:71.

Избраниците на селекторот Саша Димитријевиќ лошо го отворија натпреварот и по првите десет минути од средбата имаа негатива од 19 поени (12:31). Следуваа две добри четвртини за „црвено-жолтите“ (19:10 и 27:14), но повторно паднаа во ритамот и последниот период го загубија со 13:19 за конечна победа на Ирците.

Најистакнати кошаркари во нашиот состав беа бековите Ненад Димитријевиќ со 32 поени и Виктор Ефремовски со 19 постигнати кошеви.

Со денешниот пораз македонската селекција ги загуби и теоретските шанси за пласман во четврфиналната фаза. Следен противник е Израел