Транспортот на мигрантите се одвива без проблеми

Транспортот на мигрантите од јужната кон северната граница во текот на изминатава ноќ и утрово се одвива без проблеми и организирано од страна на сите чинители вклучени во справувањето со бегалската криза.
Состојбата на границата е нормална и под целосна контрола на специјалните полициски сили и единиците на АРМ. Грчките полицајци пак, пропуштаат периодично во Македонија да влегуваат помали групи од по стотина мигранти.
Според проценките на УНХЦР и Црвениот крст вчера од Гевгелија кон Табановце заминале повторно околу 3.000 мигранти, а таа бројка се очекува да биде постигната и денеска.
Од железничка станица информираа дека утрово со вонреднио воз што тргна од платформата кај прифатниот камп кон Табановце се упатиле 700, а со редовниот воз заминале уште 500 мигранти. Останатите кои чекаат да бидат евидентирани во прифатниот камп во Гевгелија во текот на денот кон Табановце ќе се превезуваат со автобуси и таки возила.
Општина Гевгелија вчера донираше 1.500 пакети со вода и исто толку пакети со кроасани кои беа прифатени од претставниците на УНХЦР и Црвениот крст кои им ги поделија на мигрантите.
Ново на Сител
-

Девојка со скалпел се обидела да ограби 18-годишник во Скопје
-

Гостиварец се обидел да нападне човек со моторна пила, па бил нападнат со дрвен предмет
-

Тригодишно дете од Гевгелија починало на пат кон болница
-

Тошковски: Придобивките од „One Stop“ веќе се видливи, на Табановце се чека околу 30 минути
-

Поранешниот потпретседател за респираторни истражувања во Фајзер: Ковид вакцините се токсични
-

Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027
-

УХМР: Дожд во вечерните часови и во текот на утрешниот ден, следува заладување
-

Специјалците спасија тешко повреден алпинист кај Демир Капија
