Трамп: Путин е свесен дека се можни нови американски санкции

Американскиот претседател Доналд Трамп изјави дека телефонски разговарал со неговиот руски колега Владимир Путин. Според американскиот лидер, Путин е загрижен поради можното воведување нови казнени мерки од САД против Русија и е свесен дека тоа може да се случи.

Трамп, кој во вторникот имаше телефонски разговор и со украинскиот претседател Володимир Зеленски, тогаш изјави дека со него разговарал за можноста за испраќање ракетни системи за воздушна одбрана „Патриот“ во Украина.