Свет
10. October 2020 - 9:30

Трамп: Престанав да пијам лекови против Ковид-19

– Американскиот претседател Доналд Трамп изјави дека престанал да пие лекови против новиот коронавирус.

– Сега веќе не пијам никакви лекови, изјави Трамп за „Фокс њуз“. Се очекува Трамп денеска да им се обрати на своите приврзаници од терасата на Белата куќа, а в понеделник закажа митинг во Флорида. Претходно беше соопштено дека втората дебата помеѓу Трамп и демократскиот кандидат Џо Бајден што требаше да се одржи на 15 октомври е откажана откако американскиот претседател одби виртуелна дебата.

Виртуелна дебата беше предложена поради тоа што Трамп е инфициран со Ковид-19. Тоа значи дека третата дебата во Нешвил,што треба да се одржи на 22октомври најверојатно ќе биде последно соочување на двајцата кандидати.