Трамп најавува промена на сликата за него кај гласачите во САД
Њујоршкиот бизнисмен кој води во партиската трка за претседателската номинација во Републиканската партија, Доналд Трамп, најавува промена на сликата за него меѓу гласачите во САД.
Трамп го известил раководството на партијата на состанок зад затворени врати, преку неговите најблиски советници.
Потврда за ваквите навестувања на Трамп се последните прелиминарни избори во Њујорк, на кои милијардерот-политичар уверливо победи, но на кои набљудувачите тврдат дека тој имал „изненадувачки различен“ настап.
Неговото водство меѓу претендентите-републиканци за претседателската номинација ова лето, кое е постојано уште од минатото лето, ги исплаши републиканските политички лидери дека неговиот начин на јавни настапи и неговата политика, може да ги исплашат американските гласчи.
Во вторник има нови прелиминарни гласања во пет други сојузни држави, но американските медиуми забелуваат дека мали се шансите Трамп да освои 1237 делегати за конвенцијата, за да може да биде промовиран во кандидат на Републиканската партија за ноемвриските претседателски избори.
Доколку се случи Трамп да остане без потребниот број делегати, тогаш кандидатот на партијата ќе се избере директно на самата конвенција, низ преговори на партиските лидери.
Според „Вашингтон Пост“ Трамп не би можел да ја добие номинацијата на овој начин, па како кандидати се споменуваат не само неговите сегашни противкандидати, Тед Круз и Џон Кејсик, туку и некои други, кои не учествуваа во досегашнта изборна трка, или испаднаа во претходните етапи.
Трамп има низок рејтинг меѓу женските гласачи, поради неколку негови контроверзни изјави за жените, абортусот, или за сопругата на неговиот противкандидат, сенаторот од Тексас Тед Круз.
Последното истражување на Си-Ен-Ен покажа дека доколку во трката за Белата куќа се најдат Хилари Клинтон и Трамп, републиканскиот кандидат би доживеал уверлив пораз со 64:33 проценти од гласовите.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата