Трамп: Ким Џонг-ун вистински ќе зажали доколку го нападне Гуам
Американскиот претседател Доналд Трамп изјави дека се надева оти севернокорејскиот лидер Ким Џонг-ун целосно ќе ја разбере сериозноста на предупредувањето кон Пјонгјанг да не презема воени дејствија против САД или нивните сојузници.
- Се надевам дека целосно ќе ја сфатата сериозноста на она, што го кажав, рече Трамп пред новинарите во приватен голф клуб во Њу Џерси.
- Тие зборови се лесни за разбирање. Ако тој стори нешто против Гуам или друга американска територија или некој сојузник на САД, тој вистински ќе зажали, истакна Трамп.
Пјонгјанг претходно оваа недела објави дека разработува план за извршување ракетни напади врз американската територија во Тихиот Океан, островот Гуам до средината на овој месец. Планот ќе му биде претставен на Ким Џонг-ун, кој ќе донесе одлука дали ќе го реализира.
Трамп ги омаловажи критиките на германската канцеларка Ангела Меркел во однос на неговата реторика за Северна Кореја. Меркел се огласи против ескалацијата на војната со зборови меѓу Вашингтон и Пјонгјанг и изјави дека не гледа воено решение за конфликтот околу Северна Кореја.
- Меркел е мој мошне добар пријател. Можеби таа говори за Германија, со сигурност не говори за САД, рече Трамп.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација