Свет
3. January 2018 - 8:49

Трамп идната недела ќе додели награди за „лажни вести“

 Претседателот на САД, Доналд Трамп доцна синоќа на неговиот Твитер налог најави дека ќе додели награди за „лажни вести“. 

Американскиот претседател, кој често медиумските критики за неговата Администрација ги оквалификува како лажни вести, нагласи дека наградите ќе бидат доделени за „нечесност“ и „неточна покриеност“.

- Ќе објавам награди за најнечесни и корумпирани медиуми за 2017 година в понеделник во 5.00 часот (по локално време). Тие ќе бидат наградени за нечесност и неточна покриеност во различни категории од медиумите со лажни вести. Слушајте и гледајте, наведе Трамп на Твитер.