Трамп го потпиша протоколот за пристапување на Црна Гора во НАТО
Американскиот претседател Доналд Трамп го потпиша протоколот за пристапување на Црна Гора во НАТО, со што е завршена процедурата за негова ратификација во САД, јави „Гласот на Америка“.
Белата куќа се уште официјално го нема објавено соопштението за потпишување на протоколот.
Американскиот Сенат го ратификуваше протоколот со огромно мнозинство гласови на сенаторите од двете партии - 97 се изјаснија со „да“, додека само двајца сенатори, Ренд Пол и Мајкл Ли, беа „против“.
Сенаторите оценија дека членството на Црна Гора во НАТО ќе ја зајакне Алијансата и истовремено ќе ја зацврсти демократијата и независноста на Црна Гора.
Исто така наведоа дека црногорското членство ќе ја зајакне американската национална безбедност и ќе и испрати силна порака на Русија „што пробува да ги окупира соседите и да го менува меѓународниот поредок“.
Откако Трамп се потпиша на ратификуваниот протокол за ширење на Алијансата, останува процедурата за верификација да ја окончаат уште Холандија и Шпанија.
Црногорските претставници очекуваат Црна Гора да биде полноправна членка на НАТО веќе на самитот што ќе се одржи кон крајот на мај во Брисел.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата