Трагедија на автопат: Девојка се враќала од одмор, загинала кога се обидувала да му пријде на бебето

Германската полиција соопштила дека 28 годишна жена загинала на автопат во Баварија откако испаднала од автомобил во движење, додека се обидувала да се префрли во задниот дел на возилото, како би се погрижила за своето бебе, пишуваат германските медиуми.

Несреќната жена со сопругот и седумесечното бебе се враќала од Хрватска каде што биле на одмор. Полицијата не го наведува идентитетот на загинатата жена.

Таа испаднала низ отворената врата додека се обидувала да се провлече низ двете седишта до задниот дел на автомобилот како би се погрижила за бебето старо неколку месеци, додека автомобилот се движел по автопатот А96 западно од Минхен. Полицијата наведува дека нејзиниот сопруг кој го возел автомоибилот веднаш по трагедијата закочил и застанал, но било предоцна.

Мажот на полицијата и рекол дека неговата сопруга сакала да го види детето, па се качила на совозачкото седиште и се лизнала држеји ја рачката на вратата. Тогаш вратата се отворила и таа испаднала на патот.