Традиционално искачување на Титов врв
Под мотото „Да се искачиме на 2.747 метри и да дадеме поддршка, Шара да се прогласи за национален парк" денеска и утре ќе се одржи 35-тата манифестација за искачување на Титов врв, во организација на Тетовскиот планинарски клуб „Љуботен"
Манифестацијата ќе почне денеска на Попова Шапка со отворање изложба на фотографии и презентација на туристичките потенцијали на Шарпланинскиот регион.
Утре планинарската колона ќе се упати кон Титов Врв, тргнувајќи од платото пред хотел „Попова Шапка". Пешачењето до највисокиот врв на Шара, по „Вакуфска патека" ќе трае околу 5 часа и ќе биде проследено со еколошка акција за чистење на сметот долж планинарската патека до Титов Врв.
Планинарите, како што најави организаторот, ќе добијат информации за придобивките од тоа Шар Планина да биде прогласена за национален парк и ќе имаат можност да дадат поддршка на оваа иницијатива.
На досегашните искачувања учествувале 21.700 планинари.
Настанот е поддржан од проектот „Рурален развој преку интегрирано управување со шумските и водните ресурси (LEIWW)", имплементиран од страна на SWG во соработка со GIZ.
Планинарскиот клуб „Љуботен" е најстариот активен планинарски клуб во Македонија, кој постои од 1925 година.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција