Топењето на глечерите ги загрозува резервите на свежа вода, предупредуваат експертите
Драматичното намалување на глечерите ќе има значително влијание врз животот на Земјата, изјавија денеска експерти од Светската метеоролошка организација (СМО) додавајќи дека по закана се виталните резерви на свежа вода, од која зависат милиони луѓе за пиење, земјоделство и индустрија.
Предупредувањето доаѓа на денешниот Светски ден на глечерите кој се одбележува првпат.
За 48 години од 1976 година, глечерите ширум светот изгубиле речиси 9.200 гигатони мраз, според Светската служба за следење на глечерите (WGMS) на Универзитетот во Цирих. Еден гигатон е милијарда тони.
Оваа загуба е еквивалентна на блок мраз дебел 25 метри со големина на Германија, рече директорот на WGMS, Мајкл Земп.
СМО исто така соопшти дека топењето на глечерите го подигнало нивото на морето за 18 милиметри од 2000 година.
Земп рече дека за секој милиметар покачување на нивото на морето, дополнителни 200.000 до 300.000 луѓе се соочуваат со зголемен ризик од поплави.
Глечерите, заедно со ледените плочи на Антарктикот и Гренланд, држат 70 проценти од светските ресурси на свежа вода, според СМО.
– Зачувувањето на глечерите не е само еколошка, економска и општествена потреба. Тоа е прашање на опстанок, рече генералниот секретар на СМО, Селест Сауло.
Додека намалувањето на глечерите некогаш беше ограничено на одредени региони, СМО забележа дека сите 19 глечерски региони ширум светот доживеале загуба на мраз во последните три години.
Глечерите се намалиле во овој период повеќе отколку во кој било друг тригодишен период од почетокот на евиденцијата во 1970-тите.
Ново на Сител
-
Македонските граѓани кои планираат да патуваат од аеродромот во Тирана, на 15 и 16 мај треба да пристигнат 3 часа пред летот
-
Македонија ги дозна можните ривали за квалификациите за СП 2027
-
Мерц: ЕУ ќе воведе построги санкции кон Русија доколку неделава во Истанбул нема напредок во преговорите
-
Рјабков: Русија и Украина би можеле во Истанбул да разговараат за одржлив мир
-
Сакајте се така ќе ги сакате и другите | Даниел Трбогазов | Личен развој |Sitel Podcast 094
-
Зеленски: Путин се плаши од директни преговори со мене
-
Кривична пријава против измамник од Скопје, измамил две лица за над 100.000 евра
-
Владата ја усвои информацијата за набавка на инсулин и друга медицинска терапија за дијабетичарите