Томас Бах ги повика владите да помогнат во обновувањето на спортот по пандемијата
Претседателот на Меѓународниот олимписки комитет (МОК) Томас Бах изјави дека помалку меѓународни натпревари би можеле да се организираат во иднина заради пандемијата од КОВИД-19. Во писмото до олимписките службеници, Бах го навел „финансискиот притисок“ врз организаторите и потребата тие сè повеќе да се усогласуваат со климатските промени.
– Можеби ќе треба да погледнеме повнимателно во ширењето на спортски настани, бидејќи сегашната криза ќе доведе до долга и длабока економска криза која ќе има сериозно влијание врз спортот“, рече Бах.
Тој посочува дека владите на одделните земји ќе треба да му помогнат на спортот да ја надмине оваа криза.
– Владите треба да го вклучат спортот во своите програми за економска поддршка. Само така, тој ќе може да се опорави на глобално ниво, рече Бах.
Поради пандемијата од КОВИД-19, многу спортски настани беа откажани или презакажани подоцна оваа година, вклучително и Олимпијадата во Токио, Европското првенство во фудбал, „Ролан Гарос“ и „Вимблдон“.
Ново на Сител
-
Кривична против 17-годишник од Скопје, во продажен објект со остар предмет одзел пари од вработените
-
Од 1 септември учениците ќе имаат учебници по странски јазици
-
МЗ: Хоспитализација на деца наместо во Козле, времено во Детската клиника и на Инфективната клиника
-
ЦУК: Изгаснати 28 пожари, активен еден пожар во општина Василево
-
Од утре многу топло време, следната седмица над 40 степени
-
Сообраќајна несреќа на влез во Скопје, сообраќајот се пренасочува
-
Доктори од Клиниката за онкологија вршат прегледи во болницата во Битола, а од идната недела и во болницата во Тетово
-
Ангелов: Досега пријавени околу 400 лица за превенција од пожари, рокот продолжен за уште пет дена