Тодоров: За нас беше значајно да нема веќе злоупотреби на МВР од страна на СДСМ

Во делот на техничкиот министер во МВР, имавме два спротивставени барања, нашето и она од СДСМ, објаснува министерот Никола Тодоров во Отворено студио на ТВ Нова.

 

Наш став, објаснува тој, беше да не се повтори масовната чистка која еднаш ја направи СДСМ.

 

-Нам претходниот пат усно ни беше ветено дека максимален број на смени во МВР ќе биде 5-12 најмногу, тоа беше ветено пред лица од меѓународната заедница и ние се ослонивме на тој џентлменски договор. Видовме дека не важи и дека имаше над 400 смени на различни нивоа. Некои од нив беа менаџерски позиции а некои нови лица на празни позиции и трета на т.н. хоризонтални промени, вели Тодоров.

 

Тоа не беше договорено со договорот од Пржино, вели Тодоров.

 

-Со Пржно требаа да имаат технички министер за да владее и МВР да не биде употребено во партиски цели. А тие токму тоа го направија. Го искористија како алатка во изборна кампања и се што збореа дека ВМРО го прави го направија на очиглед на цела македонска јавност. Тоа може да го поврземе со изјавата на Заев дека кога СДСМ ќе дојде на власт ќе ги избрка сите. СДСМ направи хаос и уназадување ена стандардите на МВР, вели Тодоров.

 

Наште позиции, објаснува тој, беа принципиелни и во линија со демократските стандарди .

 

-Не можеш да дојдеш во министерство а да направиш партиска чистка. Тука кај тие нивни барања СДСМ немаа поддршка од никого и така се утврди бројката за смени во МВР. Тие бараа да имаат иста бројка, а ние сакавме да биде ограничена и да биде внесена во закон. На крај се договоривме за 15 смени во МВР и нема да може да се направат други смени, вели Тодоров.