Тодоров: Мора да се прегрупираме и да победиме на три од четирите средби во декември

Со само две победи на деветте одиграни натпревари во АБА лигата, македонскиот шампион МЗТ Скопје Аеродром е на последното место на табелата во регионалното натпреварување. 

 

Паузата поради репрезентативните настапи и тоа како добро ќе им дојде на аеродромци, смета тренерот Александар Тодоров, кој по синоќешниот пораз од Будуќност, потенцира дека слободниот период ќе биде искористен за прегрупирање.

 

„Паузата што е пред нас е нешто најдобро што може да ни се случи, за да можеме да се прегрупираме. Во декември играме четири средби, од кои мора три да победиме, а останатите четири триумфи потребни за опстанок да ги бараме во 2018 година“, вели Тодоров.

 

Следниот предизвик за МЗТ Скопје е трето пласираниот тим на табелата, Цедевита на која „сино-белите“ ќе и гостуваат на 2 декември во Загреб. До крајот на годината, односно во декември МЗТ ќе игра и против Морнар и ФМП дома, како и Партизан и Задар на гостински терен