Тинејџерка во Данска обвинета за планирање бомбашки напади
Данското обвинителство соопшти дека покренало обвинение против 16-годишно девојче за планирање бомбашки напади врз две училишта во земјата, пренесоа американските медиуми.
Обвинителката Лизе-Лоте Нилас изјави дека тинејџерката е обвинета за „изведување подготвителни активности за правење бомби“, користејќи рачно изработен екплозивен материјал. Девојчето посочило дека нејзина цел биле училиште во град западно од Копенхаген и еврејско училиште во престолнината.
Полицијата го спречила нејзиниот план, откако ја уапсило на 13 јануари 2016 година.
За случајот закажан е судски процес, што ќе почне на 7 април во градот Холбек, на северозапад од Копенхаген.
Обвинителството го повлекло обвинението за соучесништво, првично покренато против 25-годишен маж. Адвокатот Михаел Јул Ериксен за американските медиуми изјави дека неговиот клиент, кој двапати бил во Сирија, ќе биде ослободен подоцна денеска.
Идентитетот на девојчето и мажот засега остануваат непознати.
Ново на Сител
-
Голем пожар во Карпош, зафатени повеќе куќи
-
11-годишно дете се бори за живот по тешка сообраќајка на патот Прилеп–Градско
-
ЦУК: Активни осум пожари, 12 изгаснати, еден ставен под контрола
-
На „Табановце“ и „Богородица“ се чека околу еден час
-
Сиљановска-Давкова: „Галичка свадба“ ја отсликува македонската народна традиција и култура
-
Мицкоски: Автопатот кон Охрид со години беше симбол на застој- сега ќе биде симбол на успех и одговорна работа
-
Убиецот ги поканил роднините на гости, инсистирал да присуствува и детето - Расчистено е тројното убиство
-
Мицкоски присуствуваше на епископската хиротонија на архимандритот Георгиј