Тинејџери се кандидираат за гувернер на Канзас

За нов гувернер на Канзас на изборите закажани за идната година, се кандидираа тројца тинејџери, меѓу кои и 17-годишниот републиканец Тајлер Ружиќ од Прери Вилиџ. Канзас нема закон којшто ги утврдува квалификациите за гувернер.

Во трката за наследник на републиканскиот гувернер Сем Браунбек, на Ружиќ противкандидати ќе му бидат Џек Бергсон (16) и Итан Рендлис (17), од Демократската партија, и двајцата од Вичита.

Без петиција, кандидатот за гувернер треба да плати 2.207 долари за кандидатура, додека пак, кандидатот кој ќе собере 5.000 потписи, тоа ќе го чини 670 долари.