Тилерсон ја прекина африканската турнеја и итно се врати во Вашингтон

Државниот секретар на САД, Рекс Тилеросн ја прекина посета на Кенија и се врати во Вашингтон порано од планираното.

- Плановите на Тилерсон се сменија со цел тој да се врати порано во Вашингтон, изјави нименуван висок американски дипломат, кој патува со шефот на Стејт департментот.

Тилерсон во саботата го откажа присуството на неколку настани во Кенија со образложение дека е болен, за подоцна да изјави дека оздравел и вчера ја продолжи африканската турнеја.

Тилерсон на 7 март ја почна африканската турнеја што беше предвидена да трае до утре, а на неговата агенда беа посета на  Чад, на Џибути, на Кенија и на Нигерија.