Преглед на вестите од светот

Поранешниот сириски претседател Башар ал Асад наводно e отруен во Русија, а руските медиуми тврдат дека труењето изгледа како обид за атентат врз него. Асад и неговото семејство побегнаa во Русија и наводно се во Москва откако бунтовниците ја презедоа контролата врз Сирија.

Според руските медиуми, Асад почнал да се чувствува лошо, велејќи дека има тешкотии со дишењето. Крвните тестови наводно покажале „траги од изложеност на токсична супстанција во неговото тело“, но истрагата се уште траела. 

Началникот на полицијата на Хамас во Газа е убиен во наводен израелски напад врз хуманитарна зона за кој медицинските работници во енклавата под контрола од Хамас велат дека загинале 11 лица. Според извештаите, цел на нападот бил шаторот на Махмуд Салах во областа Маваси, заедно со неговиот заменик Хусам Шахван. Медицинските работници претходно тврдеа дека меѓу загинатите има жени и деца.

Речиси сите нови автомобили продадени во 2024 година во Норвешка, биле целосно електрични. Девет од 10 нови автомобили продадени минатата година се напојувале само со батерии, покажале податоците од Норвешката федерација за патишта. Тие сочинуваат повеќе од 28% од сите автомобили возени во нордиската земја заклучно со декември

Европската унија одлучи да ја забрани продажбата на автомобили што испуштаат јаглерод диоксид до 2035 година, но може да дозволи продажба на автомобили што работат на горива направени од заробен јаглерод диоксид.