Тик-ток прати 11 деца во скопската болница

Вкупно 11 деца со повреди завршиле во болница по новиот предизвик на Тик ток во кој деца се фрлаат на земја. Две од нив, како што информираат од скопската клиника за хирушки болести имаат посериозни повреди во форма на скршеници. 

Станува збор за предизвик во која група деца со раце фрлаат едно дете во воздух и го оставаат да се удри од земја. Предизвикот го нарекуваат супермен и како што велат лекарите, може да предизвика сериозни повреди.

Освен двете деца кои имаат скршеници, од Клиниката објаснуваат дека останатите девет се со полесни повреди во вид на набиеници по телото. Апелираат до родителите да посветат особено внимание, имајќи предвид дека овој нов предизвик претставува сериозна опасност.