Тихановскаја: Секоја помош од европските земји е важна за Белорусија
Неформалната лидерка на белоруската опозиција, Светлана Тихановскаја, денеска е во посета на ЕУ институциите.
Таа претпладнево се сретна со претседателот на Европскиот Парламент, Давид Сасоли. Во куса изјава за медиумите по средбата, Тихановскаја ги повика земјите на ЕУ и целата меѓународна заедница да го поддржат народот во Белорусија и да не го признаваат Александар Лукашенко како претседател на државата.
-Мојата земја е во длабока политичка криза, рече Тихановскаја, секој ден народот се бори на улица за нова иднина за Белорусија откако беа украдени изборите, гледаме дека Лукашенко не сака дијалог со нас како што побаравме, и секоја помош од европските земји или било која соседна земја е многу важна, рече опозиционерката.
Таа му се заблагодари на Европскиот Парламент за поддршката изразена преку резолуција со која се поддржуваат демонстрантите во Белорусија и се бара веднаш ослободување на сите политички затвореници.
-Бараме од меѓународната заедница да не го признаваат легитимитетот на Лукашенко, тој не е легитимен во очите на белорускиот народ, барам од сите да бидат гласни за ситуацијата во нашата земја, нашата земја е важна, секој човек во нашата земја е важен, само со таа поддршка ќе можеме да се избориме за демократска Белорусија, изјави Тихановскаја по средбата со Сасоли.
Лидерката на опозицијата ќе се сретне и со министрите за надворешни работи на ЕУ кои денеска во Брисел имаат Совет за надворешни работи, но засега не успеале да се договорат за санкции против режимот во Белорусија и покрај тоа што веќе 44 дена траат протестите на улиците во Минск.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово