Тетовските полицајци даруваа 15 единици крв

Во рамки на денешната крводарителска акција, трета по ред годинава, во Секторот за внатрешни работи во Тетово се собраа 15 единици крв.

Акцијата се одвиваше од 9:30 часот до 15 часот, а ја спроведоа вработени во Црвен крст- Општинска организација Тетово и Институт за трансфузиона медицина-Центар за Трансфузиона Медицина Тетово.

– На овој начин, вработените полицајци во овој Сектор уште еднаш на дело ја искажаа нивната несебичност, хуманост и солидарност, дарувајќи дел од себе од течноста која значи живот. До крајот на оваа година планирана е уште една ваква акција, по која се очекува вкупната бројка на собрани единици крв во СВР Тетово да бида заокружена на околу 150, истакна портпарлот на СВР Тетово, Марјан Јосифоски.

Црвениот крст од Тетово и Центарот за трансфузиона медицина наредната недела ќе организираат крводарителска акција и во тетовската касарна каде крв ќе може да даруваат припадниците на АРМ.